Янги мавсумга жиддий равишда тайёршарлик олиб бораётган “Қўқон-1912” жамоасининг етакчи футболчиларидан бир Қувондиқ Рўзиев, мавсум олдидан ўз фикрлари билан ўртоқлашди.
- Чемпионат стартини барча каби интиқлик билан кутяпмиз. Янги мавсум ҳар йилгидан ҳам қизиқарлироқ бўлишини кутяпман. Тайёргарликни асосий қисмини Тошкентда олиб бордик ва барчаси аъло даражада ўтди. Бизнинг жамоамиз янги мавсумга тайёр!
Қуръа ташлаш маросимидан сўнг 1-турда бизга азалий рақибимиз Наманганнинг “Навбаҳор” жамоаси тушгани маълум бўлди. Ўйлайманки бу учрашув жудаям шиддатли курашларга бой ва томошабоп бўлади. “Водий дерби”лари доим қизиқарли ўтган. Албатта биз мавсум стартини яхши кайфиятда бошлашни ният қилганмиз. “Қўқон-1912” – "Навбаҳор" учрашувида бизни бутун Фарғона вилояти халқи қўллаб туриши бизга янада кўпроқ маъсулият юклайди. Энди биз нафақат Қўқонлик балки барча Фарғона вилоятидаги мухлисларни хурсанд қилишимиз керак бўлади. Барча мухлисларимизни жамоамизни қўллаб туришга чақираман.
Келаётган мавсумда жамоамиз ўз олдига юқори мақсадларни қўяди. Биз суперлигада рақобатбардош жамоалардан бири бўлишга интиламиз ва мухлисларимизни хурсанд қилишни асосий мақсадимиз деб биламиз.
