Bugun davom etayotgan dzyudo bo‘yicha Marrakesh Gran-prisining ikkinchi kun bahslari ham vakillarimiz uchun omadli o‘tmoqda.
Toshkent vaqti bilan 21:00 da start oladigan kechki dasturda 2 vakilimiz bronza medali uchun tatamiga chiqadigan bo‘ldi.
Xabar berganimizdek, Sharofiddin Boltaboyev -81 kg vazn toifasida yarim finalgacha yetib borib, final ostonasida imkoniyatni boy berdi. Bronza medali uchun kechadigan bellashuvda uning raqibi gresiyalik Aleksios Ntanadsidis bo‘ladi.
-73 kg vazn toifasida bahslarga kirishgan Hikmatillo To‘rayev ham musobaqadan medal bilan qaytishi mumkin. Vakilimiz chorak finalda fransiyalik dzyudochiga yengilgan bo‘lsa-da, bronza medali uchun imkoniyatni saqlab qoldi.
Bu yo‘lda dastlab gambiyalik Faye Njiyeni dog‘da qoldirdi. Shu tariqa To‘rayev birozdan start oladigan kechki dasturda turkiyalik Bilal Chiloglu bilan bironza medali uchun bahs olib boradi.
