«Fiorentina» hujumchisi Federiko Kyeza faoliyatini APLda davom ettirishi mumkin. Futbolchi «Tottenhem»ning asosiy transfer nishoniga aylandi. Klub italiyalik bu futbolchi uchun 70 million funt to‘lashga tayyor.
The Sun xabariga ko‘ra, Kyezaning o‘zi ham London klubi safiga kelib qo‘shilishga tayyor. 21 yoshli futbolchiga avvaliga «Chelsi» bosh murabbiyi Maurisio Sarri ham jiddiy qiziqish bildirgandi, ammo endi «ko‘klar» taqiq tufayli keyingi ikki transferlar darchasida yangi xaridlarni amalga oshira olmaydigan bo‘ldi.
Kyezaga «Milan», «Yuventus», «Inter» va «PSJ» kabi jamoalardan ham jiddiy qiziqishlar mavjud.
Kyeza «Fiorentina» safida joriy mavsumda barcha turnirlar doirasida 28 o‘yinda maydonga tushgan va 11 gol urgan.
