Professional boksning nufuzli yo‘nalishi sanalgan WBC fevral oyi uchun yangi reytingini e’lon qildi.

Unga ko‘ra, o‘zbekistonlik ikki nafar bokschi mazkur reytingdan o‘rin egalladi. Bu haqda GoSport.uz internet-nashri muxbiri xabar bermoqda.

Super o‘rta (-76,2 kg) vazn toifasida ringga ko‘tarilayotgan o‘zbekistonlik Azizbek Abdug‘ofurov (12-0, 4 KO) yangi reytingda bir pog‘ona ko‘tarilib, 5-o‘ringa joylashdi. WBC Silver kamari sohibi bo‘lgan Azizbek bir oy muqaddam reytingda 6-pog‘onani band etib turgandi.

Yarim o‘rta (-66,68 kg) vazn toifasi vakili Qudratillo Abduqahhorov (15-0, 9 KO) esa reytingda bir oy oldingi o‘rni — 5 o‘rinni saqlab qolgan. Ayni vaqtda u IBF reytingida 4, WBO reytingida esa 11-o‘rinlarni egallab turibdi.

WBC yo‘nalishi bo‘yicha reytingda o‘zbekistonlik boshqa bokschilar o‘rin olishmagan.