O‘zbekiston futbol federasiyasi sobiq prezidenti, Oliy Majlis Senati a’zosi, Milliy Olimpiya qo‘mitasi sobiq raisi Mirabror Usmonov 12 mart kuni koma holatiga tushib, Olimpiya qo‘mitasi klinikasining jonlantirish bo‘limiga yotqizilgan.
Mirabror Usmonov shu yilning 1 mart sanasida Toshkentda Oliy Majlis Senatining o‘n sakkizinchi yalpi majlisida oxirgi marta ko‘rinish bergan.
Ayni vaqtda Mirabror Usmonovga shifokorlar qanday tashxis qo‘ygani aniq emas. Yaqin manbaning ma’lum qilishicha, 72 yoshli Mirabror Usmonov o‘pka va nafas yo‘llari bilan bog‘liq xastalik sabab shifoxonaga olib kelingan. Hozirgi vaqtda Mirabror Usmoning ahvoli qay darajada ekani ham noma’lum bo‘lib qolmoqda.