Ўзбекистон футбол федерацияси собиқ президенти, Олий Мажлис Сенати аъзоси, Миллий Олимпия қўмитаси собиқ раиси Мираброр Усмонов 12 март куни кома ҳолатига тушиб, Олимпия қўмитаси клиникасининг жонлантириш бўлимига ётқизилган.

Мираброр Усмонов шу йилнинг 1 март санасида Тошкентда Олий Мажлис Сенатининг ўн саккизинчи ялпи мажлисида охирги марта кўриниш берган.

Айни вақтда Мираброр Усмоновга шифокорлар қандай ташхис қўйгани аниқ эмас. Яқин манбанинг маълум қилишича, 72 ёшли Мираброр Усмонов ўпка ва нафас йўллари билан боғлиқ хасталик сабаб шифохонага олиб келинган. Ҳозирги вақтда Мираброр Усмонинг аҳволи қай даражада экани ҳам номаълум бўлиб қолмоқда.