“Paxtakor” – “Lokomotiv” uchrashuvidan so‘ng mezbonlar ustozi Shota Arveladze quyidagicha fikr bildirdi:  

"Qur’a bizga ilk turdanoq mamlakatning amaldagi chempioniga qarshi o‘yinni taqdim etdi. Bugungi o‘yin ham xuddi oldingilari kabi ancha murakkab va qiyin tarzda kechdi. Uchrashuv tengkurashlar ostida boshlandi. Har ikki jamoa ham raqibni o‘rgangan holda biroz ehtiyotkorlik bilan harakat qildi. Ikkinchi bo‘limda esa biz tashabbusni qo‘lga ola bildik. Yakunda esa haqli tarzda g‘alabaga erishdik. G‘alaba bilan barcha futbolchilarimizni tabriklayman. Mavsum endi boshlanmoqda. Endi e’tiborni kelgusi bahslarga qaratamiz", - dedi murabbiy.