“Пахтакор” – “Локомотив” учрашувидан сўнг мезбонлар устози Шота Арвеладзе қуйидагича фикр билдирди:  

"Қуръа бизга илк турданоқ мамлакатнинг амалдаги чемпионига қарши ўйинни тақдим этди. Бугунги ўйин ҳам худди олдингилари каби анча мураккаб ва қийин тарзда кечди. Учрашув тенгкурашлар остида бошланди. Ҳар икки жамоа ҳам рақибни ўрганган ҳолда бироз эҳтиёткорлик билан ҳаракат қилди. Иккинчи бўлимда эса биз ташаббусни қўлга ола билдик. Якунда эса ҳақли тарзда ғалабага эришдик. Ғалаба билан барча футболчиларимизни табриклайман. Мавсум энди бошланмоқда. Энди эътиборни келгуси баҳсларга қаратамиз", - деди мураббий.