"Комо" ҳимоячиси Хакобо Рамон ҳозирча Мадриднинг "Реал" клубига қайтиш вариантини кўриб чиқмаяпти. Бу ҳақда AS хабар берди.
21 ёшли футболчи 2025 йил ёзида "Реал"ни тарк этган эди. Ўшанда "Комо" унинг трансфер ҳуқуқларининг 50 фоизини 2,5 миллион еврога сотиб олган.
Италиядаги илк мавсумидан кейин Рамон анча ўсди ва жамоа ҳимоясининг асосий футболчиларидан бирига айланди.
Унинг тез ривожланиши "Реал" эътиборидан четда қолмади. Мадрид клуби ўтган ёздаёқ ҳимоячини қайтаришни истаган, аммо Рамон бу имкониятни рад этган.
Жорий мавсум якунланганидан кейин "Реал" футболчини 9 миллион еврога қайтариб олиш имконига эга бўлади. Бироқ якуний қарор Рамоннинг ўзига боғлиқ.
Футболчи "Реал"га меҳр қўйганига қарамай, ҳозирча "Комо"да қолиб, ривожланишни давом эттиришни истамоқда. У учун энг муҳими — мунтазам ўйин амалиётига эга бўлиш ва жамоада муҳим роль ўйнаш.
