Dublga erishib, o‘yin qahramonlaridan biriga aylangan Dragan Cheran "Lokomotiv" bilan uchrashuv xususida fikrlarini bildirib o‘tdi.
“Barchaga xayrli kech. Bugun biz uchun qiyin o‘yin bo‘ldi. Oxirgi 12 kun ichida juda og‘ir bo‘lgan 4ta o‘yin o‘tkazdik. Har biri farqli ravishda juda ham qiyin kechdi. Shu bois balki bugungi o‘yinni biroz og‘irroq, sekinroq boshladik. Tanaffusda biroz sovub olganimizdan keyin ikkinchi bo‘limga yaxshiroq jamoa bo‘lib chiqdik. 10 daqiqa ichida uchta gol urdik va g‘alaba qozondik. Muxlislarga katta minnatdorchilik bildiraman. "Paxtakor"ni qo‘llab-quvvatlayotgan barchaga rahmat aytaman. Ehtimol, O‘zbekistondagi faoliyatimda eng chiroyli golni urgandirman.
Hujumda sherigim kim bo‘lishining ahamiyati yo‘q. Ko‘rsatmalarga amal qilib, o‘zaro tushungan holda o‘ynayveramiz”, - deydi Cheran.
