Avval xabar berganimizdek, hamyurtlarimiz BAAning Abu-Dabi shahrida tashkil etilgan aqliy rivojlanishi sust bo‘lganlar o‘rtasidagi butunjahon yozgi maxsus Olimpiya o‘yinlarida ishtirok etishdi.

Musobaqaning so‘nggi kun bellashuvlari ham terma jamoamiz uchun omadli yakunlandi. Unda sportchilarimiz 5 ta oltin, 4 ta kumush va 5 ta bronza medallarini jamg‘arishdi.
Kamila Rajapova (badiiy gimnastika) 2 ta kumush, 2 ta bronza
Lola Qo‘chqorova (badiiy gimnastika) 3 ta oltin, 1 ta kumush
Madina Mahmudova (badiiy gimnastika) 1 ta oltin, 1 ta bronza
Mohinabonu To‘laganova (badiiy gimnastika) 1 ta oltin, 2 ta bronza
Bahodir Nasriddinov (dzyudo) 1 ta kumush

O‘zbekiston delegasiyasi joriy musobaqada 14 ta oltin, 9 ta kumush va 17 ta bronza medallarini qo‘lga kiritib, Butunjahon yozgi maxsus Olimpiya o‘yinlarini muvaffaqiyatli yakunladi.