"Manchester Yunayted" uch nafar portugaliyalik futbolchiga qiziqib qoldi, deb xabar beradi "Mirror".
Manbaga ko‘ra, mankunianliklar "Benfika"ning himoyachi va hujumchilari Ruben Diash va Joau Felish, shuningdek, "Sporting" yarim himoyachisi Bruno Fernandeshni xarid qilmoqchi.
Diashning tovon puli 55 mln yevroga teng. Felish esa taxminan 120 mln yevroga narxlangan. Fernandeshning transfer narxi esa 105 mln yevroga baholangan.
19 yoshli Felish joriy mavsumda 32 ta o‘yinda 12 ta gol urgan va 6 ta golli uzatmani amalga oshirgan. 21 yoshli Diash hisobida esa 45 ta o‘yinda kiritilgan 2 ta gol va 3 ta samarali uzatma bor. 24 yoshli Fernandesh esa 43 ta o‘yinda 24 ta gol urgan va 14 ta golli uzatma muallifiga aylangan.
