Internetda «Yuventus» klubi 2019/20 yilgi mavsumda kiyishi kutilayotgan futbolkaning surati paydo bo‘ldi.

Formani tayyorlashda an’anaviy oq va qora ranglardan foydalanilgan. Ammo u odatdagidek vertikal yo‘l-yo‘l emas. Uning o‘ng tomoni to‘liq oq rangda bo‘lsa, chap qismi to‘liq qora rangdan iborat. O‘rtada vertikal och qizil rangli chiziq tortilgan.

Futbolkaning orqa qismi esa deyarli to‘liq qora rangdan iborat bo‘lib, uning o‘ng tomonining yuqori va past qismiga ozgina oq rang berilgan.

«Yuventus» yangi formani rasman may oyida taqdim etadi. Jamoa formasi Nike kompaniyasi tomonidan yaratiladi.