Интернетда «Ювентус» клуби 2019/20 йилги мавсумда кийиши кутилаётган футболканинг сурати пайдо бўлди.

Формани тайёрлашда анъанавий оқ ва қора ранглардан фойдаланилган. Аммо у одатдагидек вертикал йўл-йўл эмас. Унинг ўнг томони тўлиқ оқ рангда бўлса, чап қисми тўлиқ қора рангдан иборат. Ўртада вертикал оч қизил рангли чизиқ тортилган.

Футболканинг орқа қисми эса деярли тўлиқ қора рангдан иборат бўлиб, унинг ўнг томонининг юқори ва паст қисмига озгина оқ ранг берилган.

«Ювентус» янги формани расман май ойида тақдим этади. Жамоа формаси Nike компанияси томонидан яратилади.