O‘zbekiston milliy terma jamoasi Xitoyda bo‘lib o‘tgan "China cup-2019" musobaqasida qatnashib, 3-o‘rinni qo‘lga kiritgani haqida xabar berib o‘tgandik.
Kecha tunda vakillarimiz uzoq davom etgan parvozdan so‘ng yurtimizga qaytib kelishdi. "China cup-2019" musobaqasida Ektor Kuper shogirdlari ikkita o‘yin o‘tkazishdi. Yarim finalda Urugvayga qarshi maydonga tushib, 3:0 hisobida mag‘lub bo‘lishdi.
Ikkikinchi yarim finalda Xitoy Taylanddan kichik hisobda mag‘lub bo‘ldi. 3-o‘rin uchun kechgan bahsda terma jamoamiz a’zolari musobaqa mezboni Xitoyga qarshi maydonga tushib, Eldor Shomurodovning yagona goli evaziga g‘alaba qozonishdi. Final uchrashuvida esa Urugvay Taylanda darvozasiga javobsiz 4ta gol kiritdi.
Endilikda terma jamoamiz Jahon chempionati saralashiga tayyorgarlikni davom ettiradi.
