Kecha Bekobod shahridagi Yoshlar uyi majlislar zalida O‘zbekiston metallurgiya kombinati hissadorlik jamiyatida mehnat qiluvchi O‘zbekiston liberal demokratik partiyasi – O‘zLiDeP vakillari bilan “Metallurg” jamoasi a’zolarining uchrashuvi bo‘lib o‘tdi.
Yangi mavsum arafasmida kombinat ishchilari sevimli klubda ro‘y berayotgan o‘zgarishlar, jamoaga taklif etilgan yangi o‘yinchilar, jamoaning oldiga qo‘ygan maqsad va vazifalari bilan qiziqishdi. Klub rahbariyati nomidan jamoa bosh murabbiyi Andrey Shipilov, klub direktori Abduqahhor Marifaliyev, jamoa boshlig‘i Shavkat Saidov hamda jamoaning yetakchi o‘yinchilari va murabbiylari yig‘ilganlarni qiziqtirgan savollariga javob qaytarishdi. Uchrashuv samimiy va do‘stona ruhda o‘tdi.
Kombinat ishchilari bu tadbirni uyushtirganliklari uchun O”zLiDeP yetakchi faollariga va klub rahbariyatiga minnatdorchilik bildirishdi. Kelgusida ham shu kabi uchrashuvlarni tez tez o‘tkazishga kelishib olindi.
