«Liverpul» bosh murabbiyi Yurgen Klopp mavsumning qolgan qismi borasida o‘z fikrlarini bildirib o‘tdi.
«Qolgan o‘yinlar qanchalar qiyin bo‘lishini bilaman. Ko‘pchilikning fikricha, APLda qolgan 7ta o‘yinning barchasini yutishimiz kerak. Boisi, «Manchester Siti» ham shunday qiladi.
Biz haqiqatan bunga tayyor ekanimizga ishonchimiz komil bo‘lishi kerak. Tan olishimiz kerak, biz qiyin o‘yinlarga duch kelamiz, masalan, «Fulxem»ga qarshi uchrashuvda bo‘lgani kabi.
Bunday holat APLning navbatdagi 7ta o‘yini va umid qilaman, Chempionlar ligasining 5ta bahsida ro‘y berishi mumkin. Biz bunga tayyor bo‘lishimiz kerak.
Agar jamoa hech qanday muammoni kutmasa, bu g‘alati bo‘lardi. Agar muammolarga to‘qnash kelishimiz mumkinligini bilsak, bunga tayyor bo‘lamiz», – dedi Klopp.