Bugun Superliga 2-tur doirasida "Lokomotiv" o‘z maydonida Namanganning "Navbahor" jamoasini qabul qiladi. Ma’lumot o‘rnida shuni aytish mumkin, har ikki jamoa shu paytgacha O‘zbekiston milliy chempionati doirasida o‘zaro 30ta o‘yin o‘tkazgan. Bugungi uchrashuv esa 31-chisi bo‘ladi.
Shu paytgacha bo‘lib o‘tgan 30ta bellashuvning 17tasida "Lokomotiv" zafar quchgan. 5ta o‘yinda durang qayd etilgan bo‘lib, 8 bor "Navbahor" g‘alabaga erishgan. To‘plar nisbati bo‘yicha umumiy ko‘rsatkich "Lokomotiv" foydasiga 54-39.
"Lokomotiv" 2016 yil o‘z maydonida "Navbahor"ni 5:0 hisobida mag‘lub etgan. Bu jamoalar o‘rtasidagi eng yirik hisob bo‘lib turibdi. 2007 yil Namanganda o‘tgan bahs gollarga boy bo‘lgan va bunda maydon egalari 6:2 hisobida zafar quchgan.
O‘zaro o‘yinlarda "Lokomotiv" shu paytgacha 56, "Navbahor" esa 29 ochkoni qo‘lga kiritgan. Toshkentda o‘tkazilgan 15ta o‘yinning 12tasi "Loko" foydasiga hal bo‘lgan. Ikki bor durang qayd etilgan bo‘lsa, faqat bir marta omad "Navbahor" tomonida bo‘lgan.
O‘tgan yil Toshkentda o‘tkazilgan har ikki uchrashuvda ham "Lokomotiv"ning qo‘li baland kelgan. Superliga birinchi bosqich o‘yinida "temiryo‘lchilar" 3:1 hamda ikkinchi bosqichda 1:0 hisobida zafar quchishgan.
