Xabaringiz bor, 27 mart - 1 aprel kunlari Ozarbayjon poytaxti Boku shahrida boks bo‘yicha xalqaro "Buyuk ipak yo‘li" turniri bo‘lib o‘tdi.

Ushbu musobaqada o‘zbekistonlik charm qo‘lqop ustalari ham ishtirok etib, 3 ta oltin, 2 ta kumush va 3 ta bronza medaliga sazovor bo‘lishgandi. Terma jamoamiz musobaqa yakuniga ko‘ra umumjamoa hisobida mezbonlardan so‘ng ikkinchi o‘rinni qo‘lga kiritishgandi.

Bugun musobaqada ishtirok etgan bokschilarimiz yurtimizga qaytib kelishdi. Ularni Islom Karimov nomidagi Toshkent xalqaro aeroportida O‘zbekiston boks federasiyasi mutasaddilari, sportchilarning yaqinlari, muxlislar hamda ommaviy axborot vositalari xodimlari kutib olishdi.