“So‘g‘diyona” – “Surxon” uchrashuvidan so‘ng mehmonlar ustozi Andrey Miklyayev quyidagicha fikr bildirib o‘tdi:
"Qayd etilgan natija hamda jamoamiz ko‘rsatgan o‘yindan ko‘nglim to‘ldi. Yigitlar o‘yin oldidan bergan ko‘rsatmalarni deyarli to‘la ado etishdi. Asosan qarshi hujumlarga tayangan holda o‘yin olib bordik. Jizzax jamoasining asosan uzun va qisqa paslar orqali o‘ynashini bilar edik. Bugun biz raqibga o‘z darvozamiz oldida xavfli vaziyatlar yuzaga keltirish imkonini berganimiz yo‘q", - dedi mutaxassis.
