“Barselona” prezidenti Xosep Mariya Bartomeu bir vaqtlar Kataloniya klubi Pol Pogbani sotib olishlari mumkin bo‘lganligini aytdi. 

“2015 yil Pogba “Yuventus”da o‘ynardi. Biz Turin klubidan agarda Polni sotib yubormoqchi bo‘lishsa birinchi bo‘lib bizga murojaat qilishlarini aytgan edik. 

U “Manchester Yunayted”ga o‘tishi oldidan, ular bizga Pogbaning transfer narxini ma’lum qilishdi. O‘shanda Pogbani sotib olish uchun bizda bunchalik ko‘p mablag‘imiz yo‘q edi. 

Pogba “MYU”ga ketdi va hozirda bu jamoani yanada kuchaytirmoqda, negaki u dunyoning eng kuchli futbolchililaridan biri”, - deydi Bartomeu Sport.es internet nashriga bergan intervyusida.