O‘zbekistonlik yana bir professional bokschi Xurshidbek Normatov bugun, 11 aprel kuni AQSHning Nyu–York shahrida jang o‘tkazdi. Jang Sony Hall saroyida bo‘lib o‘tdi.
Ushbu boks oqshomida super o‘rta vazn toifasida Xurshidbek Normatov amerikalik raqibi Kelvin Metkalfni ochkolar hisobiga ko‘ra mag‘lub etdi.
6 raundlik jangda Xurshidbek hakamlar qaroriga (60:53,60:53,60:53) ko‘ra g‘alaba qozondi.
Ma’lumot o‘rnida, Xurshidbek Normatov prof ringda o‘zining 8-jangini o‘tkazib, barchasida g‘alaba qozongan, shularning 3 tasi nokaut bilan yakunlangan.
