"Yuventus" hujumchisi Paulo Dibala jamoadagi holatidan norozi. Argentinalik futbolchi asosiy tarkibga kira olmayotganidan xafa va Allegrining jamoada qolishini istamayapti.

"Calciomercato" manbasiga ko‘ra, may-iyun oylarida Turin klubi rahbariyati Allegri bilan shartnomani uzaytirish borasida muzokara o‘tkazadi. Agar tomonlar ijobiy kelishuvga erishsa, Dibala rahbariyatdan o‘zini transferga qo‘yishlarini so‘ramoqchi.

«Yuventus» Dibalani 130 mln yevroga narxlagan, ammo bu narx arzonlashishi ham mumkin.

25 yoshli futbolchi bu mavsumda jami 37 ta o‘yinda maydonga tushib, 10 ta gol urdi va 6 ta golli uzatmani amalga oshirdi.