"Ювентус" ҳужумчиси Пауло Дибала жамоадаги ҳолатидан норози. Аргентиналик футболчи асосий таркибга кира олмаётганидан хафа ва Аллегрининг жамоада қолишини истамаяпти.
"Calciomercato" манбасига кўра, май-июнь ойларида Турин клуби раҳбарияти Аллегри билан шартномани узайтириш борасида музокара ўтказади. Агар томонлар ижобий келишувга эришса, Дибала раҳбариятдан ўзини трансферга қўйишларини сўрамоқчи.
«Ювентус» Дибалани 130 млн еврога нархлаган, аммо бу нарх арзонлашиши ҳам мумкин.
25 ёшли футболчи бу мавсумда жами 37 та ўйинда майдонга тушиб, 10 та гол урди ва 6 та голли узатмани амалга оширди.
