Бразилия терма жамоаси бош мураббийи Карло Анчелотти кутилмаган қарор қабул қилиб, юлдуз ҳужумчи Неймарни жаҳон чемпионати якуний қайдномасига киритишга қарор қилди.
«Сантос»нинг 34 ёшли аъзоси атрофидаги кўплаб шубҳа ва муҳокамаларга қарамай, бўлажак мундиалга борадиган бўлди. Бу ҳақда The Touchline нашри Jovem Pan Esportes манбасига таяниб хабар бермоқда. Таъкидланишича, «пентакампеонлар»нинг расмий қайдномаси 18 май куни эълон қилинади.
Маълумот учун, Неймар 2023 йилнинг кузидан буён Бразилия терма жамоаси либосида майдонга тушмаган эди.
ЖЧ-2026 гуруҳ босқичида «селесао» Марокаш, Гаити ва Шотландия терма жамоаларига қарши баҳс олиб боради.
