«ПСЖ» Хулиан Альваресни сотиб олиш вариантларини кўриб чиқмоқда.
As нашри берган маълумотларга кўра, парижликлар бош мураббийи Луис Энрике «Атлетико» ҳужумчисини жамоанинг асосий трансфер мақсади деб ҳисобламоқда. Ушбу трансфер 100 миллион евродан қимматга тушиши мумкин, бироқ Франция клуби келишувга ўз футболчилари — Ли Кан Ин ва Гонсалу Рамушни қўшишни режалаштирган. Ҳар икки ўйинчи Мадрид клуби раҳбариятига маъқул келмоқда.
«Атлетико» Альваресни жамоада сақлаб қолишни афзал кўради, аммо бу масалада аргентиналик футболчининг шахсий фикри муҳим рол ўйнаши мумкин. Хулианнинг агентлари «ПСЖ»нинг нияти жиддий эканидан хабардор.













