"Барселона" ярим ҳимоячиси Марк Касадо яқин вақт ичида каталонияликлар сафини тарк этишга тайёрланмоқда.
Инсайдер Фабрицио Романонинг янгиланган маълумотига кўра, 22 ёшли испаниялик футболчи "кўк-анорранглилар"дан Томми Маркес ортидан кетади. Маркеснинг Португалиянинг "Брага" клубига трансфери аллақачон келишиб олинган.
Касадонинг фаолиятини қаерда давом эттириши ҳозирча номаълум. Шу билан бирга, Саудия Арабистонининг "Ал-Ҳилол" клуби билан музокаралар ҳамон олиб борилмаяпти. Футболчининг агенти Жорже Мендеш мижози учун янги клуб топиш устида ишлашда давом этмоқда.
Турли манбалар тарқатган хабарларга кўра, "Барселона" бош мураббийи Ханс-Дитер Флик Касадога келаси мавсумда унга асосий таркибда ишонмаслигини очиқ маълум қилган.
Transfermarkt портали Марк Касадонинг ҳозирги бозор қийматини 18 млн еврога баҳоламоқда.
