«PSJ» Xulian Alvaresni sotib olish variantlarini ko‘rib chiqmoqda.

As nashri bergan ma’lumotlarga ko‘ra, parijliklar bosh murabbiyi Luis Enrike «Atletiko» hujumchisini jamoaning asosiy transfer maqsadi deb hisoblamoqda. Ushbu transfer 100 million yevrodan qimmatga tushishi mumkin, biroq Fransiya klubi kelishuvga o‘z futbolchilari — Li Kan In va Gonsalu Ramushni qo‘shishni rejalashtirgan. Har ikki o‘yinchi Madrid klubi rahbariyatiga ma’qul kelmoqda.

«Atletiko» Alvaresni jamoada saqlab qolishni afzal ko‘radi, ammo bu masalada argentinalik futbolchining shaxsiy fikri muhim rol o‘ynashi mumkin. Xulianning agentlari «PSJ»ning niyati jiddiy ekanidan xabardor.