Ispaniya chempionatining 31-turi doirasida bo‘lib o‘tgan «Barselona»ga qarshi o‘yinda «Atletiko» hujumchisi Diyego Kosta hakamni haqorat qilgani uchun maydondan chetlatilgandi.
La liga tartib-intizom qo‘mitasi futbolchiga nisbatan jazolash haqida qaror chiqardi. Hujumchi 8ta o‘yinga diskvalifikasiya qilindi. To‘rtta o‘yin hakam Xesus Xil Mansanoni haqorgat qilgani uchun, yana 4ta o‘yin referinign qo‘lidan ushlab olgani uchun berildi.
Shuningdek, Kosta va «Atletiko» klubi 6010 yevro va 2800 yevro miqdorda jarimaga tortildi.
Shu tariqa, Diyego Kosta mavsumning qolgani qismini o‘tkazib yuboradi. Boisi, Ispaniyada mavsum tugashiga 7 tur qoldi.
«Atletiko» tartib-intizom qo‘mitasi qarori yuzasidan apellyasiya berish huquqiga ega.