Superliganing 4-turidan joy olgan “Lokomotiv” — AGMK o‘yini “temiryo‘lchilar”ning uy arenasida 14 aprel kuni bo‘lib o‘tishi kerak edi.
Toshkentga yuqori martabali mehmonlarning tashrifi munosabati bilan “Lokomotiv” futbol klubi mazkur bellashuvni TTMI stadioniga ko‘chirishni so‘rab, O‘zPFLga murojaat bilan chiqdi. Vaziyat o‘rganib chiqilib, “Lokomotiv” futbol klubining taklifi qanoatlantirildi. O‘yin avval belgilangani kabi 18:20 da emas, balki 16:45 da start oladi. Sababi TTMI stadioni maysasi talabga javob bersa-da, yoritish tizimi haqida bunday fikr bildirib bo‘lmaydi.
Uchrashuv yakshanba kuni bo‘lib o‘tishi inobatga olinsa, stadion va vaqtning bir necha daqiqaga o‘zgarayotgani futbol muxlislariga noqulaylik tug‘dirmaydi. O‘zPFL futbol muxlislaridan yuqoridagi holatni to‘g‘ri tushunishlarini so‘raydi.
Ayni vaqtda Superliga o‘yinlarini translyasiya qilayotgan “Sport” bu kabi masalalarni kamida bir hafta avval rejalashtirishi inobatga olinsa, murakkablik aynan telekanal bilan bog‘liq bo‘lishi mumkin. “Sport” 16:15 da start oladigan “Surxon” — “Paxtakor” hamda 18:20 da boshlanadigan “Lokomotiv” — AGMK o‘yinini jonli ko‘rsatishni rejalashtirgandi. Yuqoridagi holat telekanal rejalarining o‘zgarishiga sabab bo‘ladi.
