Portugaliyaning “Benfika” klubi futbolchisi Joau Felish faoliyatini Turinning “Yuventus” klubida davom ettirishi mumkin.
Tuttosport nashrining xabariga ko‘ra, “keksa sinyoralar” portugaliyalik futbolchini yozdayoq jamoaga olib kelmoqchi.
Shuningdek, turinliklar 19 yoshli futbolchi uchun 100 million yevro to‘lashga to‘g‘ri keladi.
Shu tufayli, “Yuventus” murabbiyning o‘yiniga mos tushmayotgan jamoa hujumchisi Paulo Dibala bilan xayrlashishga ham tayyor.
Eslatib o‘tamiz, joriy mavsum Felish “Benfika” safida 36ta o‘yinda maydonga tushib, 15ta gol urgan va 7ta golga ham mualliflik qilgan. Uning jamoa bilan amaldagi shartnomasi 2023 yilgacha mo‘ljallangan.
