Португалиянинг “Бенфика” клуби футболчиси Жоау Фелиш фаолиятини Туриннинг “Ювентус” клубида давом эттириши мумкин.
Tuttosport нашрининг хабарига кўра, “кекса синьоралар” португалиялик футболчини ёздаёқ жамоага олиб келмоқчи.
Шунингдек, туринликлар 19 ёшли футболчи учун 100 миллион евро тўлашга тўғри келади.
Шу туфайли, “Ювентус” мураббийнинг ўйинига мос тушмаётган жамоа ҳужумчиси Пауло Дибала билан хайрлашишга ҳам тайёр.
Эслатиб ўтамиз, жорий мавсум Фелиш “Бенфика” сафида 36та ўйинда майдонга тушиб, 15та гол урган ва 7та голга ҳам муаллифлик қилган. Унинг жамоа билан амалдаги шартномаси 2023 йилгача мўлжалланган.
