«Барселона» клуби собиқ президенти Хосеп Бартомеунинг тан олишича, «кўк-анорранглилар» ҳам Килиан Мбаппени ўз сафига қўшиб олишга даъвогарлик қилишган, бироқ футболчи 2024 йилда мадридлик «Реал»га ўтишни афзал кўрган. Бундан ташқари, каталонияликларни ҳужумчи учун сўралган нарх ҳам қониқтирмаган.
«Улар Мбаппе учун 180 миллион евро сўрашганди, бу эса ҳаддан ташқари юқори сумма деб топилган. Натижада биз Дембелени олишни маъқул кўргандик. Аммо на у, на Гризманн ва на Коутиньо биз кутган даражага чиқа олишди», — дея Бартомеунинг сўзларини келтиради Derbyderbyderby.it.
Эслатиб ўтамиз, Килиан Мбаппе Мадриднинг «Реал» клубига ўтгунига қадар етти йил давомида Франциянинг «ПСЖ» жамоасида тўп сурган.
