19-21 aprel kunlari Marokashning Rabot shahrida “Karate-1” seriyasiga kiruvchi premyer liga musobaqalari bo‘lib o‘tadi.
O‘zbekiston milliy terma jamoasi ham ishtirok etadigan mazkur yirik turnirda dunyoning 78 davlatidan 700 nafarga yaqin kuchli karatechilar medallar bilan birga Tokio olimpiadasi reyting ochkolari uchun ham bahs olib borishadi.
Ushbu nufuzli musobaqada terma jamoamiz quyidagi tarkibda ishtirok etadi:
Erkaklar:
-60 kg: Sadriddin Saymatov
-67 kg: Sanjar Abdukarimov
-67 kg: Iqboljon Uzoqov
-75 kg: Dostonbek Otabolayev
Ayollar:
-50 kg: Bahriniso Boboyeva
-61kg: Barno Mirzayeva
Ma’lumot uchun: A seriyasi toifasiga kiruvchi “Karate-1” deb nomlangan Premyer liga bahslari joriy yil 7 bosqichda o‘tkazilishi rejalashtirilgandi.
Uchinchisi Marokashda uyushtirilayotgan ushbu nufuzli musobaqaning dastlabkilariga Fransiya (Parij) va BAA (Dubay) mezbonlik qilgan. Keyingi bosqichlar Shanxay (Xitoy, 7-9 iyun), Tokio (Yaponiya, 6-8 sentyabr), Moskva (Rossiya, 4-6 oktyabr) va Madrid (Ispaniya, 29 noyabr -1 dekabr) shaharlarida o‘tadi.
