Coca Cola Superliga 5-tur doirasida vakillarimiz Navoiyda “Qizilqum” jamoasiga qarshi maydonga tushishadi. Quyida mazkur jamoalarning o‘zaro o‘yiniga doir statistik ma’lumotlar bilan tanishing.
17-uchrashuv
Bugunga qadar bu jamoalar chempionat doirasida 16 marta to‘qnash kelishgan. O‘yinlarning o‘ntasi navoiyliklarning qo‘li baland kelgan. Beshta uchrashuvda qo‘qonliklar g‘alaba qozonishgan. Bitta uchrashuvda durang natija qayd etilgan. To‘plar nisbati 31-16, “Qizilqum” foydasiga. O‘zaro o‘yinlarda “Qizilqum” 31 ochko, “Qo‘qon-1912” esa 16 ochko to‘plagan.
“Qizilqum” maydonida o‘tgan barcha uchrashuvlar:
22.09.2018 «Qizilqum» – «Qo‘qon-1912» 1:0
08.03.2018 «Qizilqum» – «Qo‘qon-1912» 0:2
19.08.2017 «Qizilqum» – «Qo‘qon-1912» 3:1
09.09.2016 «Qizilqum» – «Qo‘qon-1912» 1:1
09.05.2015 «Qizilqum» – «Qo‘qon-1912» 3:1
05.10.2003 «Qizilqum» – «Qo‘qon-1912» 5:1
16.03.2002 «Qizilqum» – «Qo‘qon-1912» 3:0
01.04.2000 «Qizilqum» – «Qo‘qon-1912» 3:2
O‘tgan mavsumdagi o‘yinlar
Ushbu jamoalar o‘tgan mavsumda o‘zaro beshta o‘yin o‘tkazishdi. Uchrashuvlarning to‘rtasi milliy chempionat bahslariga to‘g‘ri kelgan bo‘lsa, bitta bahs O‘zbekiston kubogi chorak finaliga to‘g‘ri kelgan.
O‘yinlarning uchtasida (bittasi kubok doirasida) vakillarimiz g‘alaba qozonishgan. O‘tgan mavsumdagi ikkita bahsda navoiyliklarning qo‘li baland kelgan.
Boshlanish vaqti
Mazkur uchrashuv 19 aprel juma kuni “Yoshlar sport majmuasi” stadionida soat 18:30 da boshlanadi. O‘rinbosarlar bahsi esa ertaga soat 16:00da “Kimyogar” stadionda bo‘lib o‘tadi.
