“Paxtakor” – “Dinamo” uchrashuvidan so‘ng mehmonlar ustozi Davron Fayziyev quyidagicha fikr bildirib o‘tdi:
- Bugun muxlislarga yoqadigan futbol namoyish etildi. Biz bugun “Paxtakor” jamoasiga munosib qarshilik ko‘rsatish uchun tashrif buyurgan edik. Lekin yakunda aynan ushbu klub g‘alaba qozondi. Balki aksariyat vaziyatlarda tashabbus “Paxtakor” tarafida bo‘lgandir, lekin butun o‘yin davomida biz ham munosib o‘ynashga intildik. Faqat bitta vaziyatda yo‘l qo‘yilgan e’tiborsizlik oqibatida dastlabki golni o‘tkazib yubordik va shu yakunda mag‘lubiyatga olib keldi. Bu endi yigitlardagi tajriba bilan bog‘liq. Raqibni g‘alaba bilan tabriklayman va ularga Osiyo Chempionlar ligasi doirasidagi o‘yinda omad tilab qolaman, - dedi mutaxassis.
