Bilasiz, kecha O‘zbekiston kubogining 1/32 final bosqichiga qur’a tashlash marosimi bo‘lib o‘tdi.
1/32 final uchrashuvlari taqvimda 30 aprel hamda 1 may kunlari o‘tkazilishi avvaldan belgilab qo‘yilgan.
O‘zbekiston kubogi 1/32 final
30 aprel
Turon – Rash Milk
Zirabuloq – Yangiyer
1 may
Zarangari – Orol
Rubin – Ittifoq N / Ittifoq B
Yashnobod / Chig‘atoy – G‘ijduvon
Lokomotiv-BFK – Zomin
Barcha o‘yinlar soat 16:30da start olishi ko‘zda tutilgan.
Bugun O‘zbekiston kubogi uchun saralash uchrashuvlari bo‘lib o‘tadi. Sharqiy mintaqadan saralashda “Chig‘atoy” hamda “Yashnobod” klublari o‘zaro o‘yin bilan ishtirok etadi. G‘arbiy mintaqada esa Navoiy hamda Buxoroning “Ittifoq” jamoalari o‘zaro kuch sinashadi. Mazkur uchrashuvlar g‘oliblari 1/32 finalda to‘p surish huquqini qo‘lga kiritadi.
Qur’a jarayonida jami 12 ta klub olti juftlikka ajratildi. Bosqich g‘oliblari 1/16 final chiptasini qo‘lga kiritadi.
1/16 finaldan boshlab musobaqaga Superliganing 10 hamda A Pro-liganing 8 jamoasi qo‘shiladi. 1/8 finaldan boshlab esa “Lokomotiv”, “Paxtakor”, “Navbahor” va AGMK jamoalari turnirdagi ishtirokini boshlaydi.
Qayd etish joiz, 2019 yildan boshlab CocaCola homiyligida o‘tadigan mazkur turnirda har bir bosqich faqatgina 1 ta uchrashuvdan iborat bo‘ladi. G‘olib asosiy va qo‘shimcha daqiqalarda aniqlanmasa, penaltilar seriyasi yordamga keladi. Qur’a marosimlari Sport-TV orqali jonli namoyish etib boriladi.
