Биласиз, кеча Ўзбекистон кубогининг 1/32 финал босқичига қуръа ташлаш маросими бўлиб ўтди.
1/32 финал учрашувлари тақвимда 30 апрель ҳамда 1 май кунлари ўтказилиши аввалдан белгилаб қўйилган.
Ўзбекистон кубоги 1/32 финал
30 апрель
Турон – Раш Милк
Зирабулоқ – Янгиер
1 май
Зарангари – Орол
Рубин – Иттифоқ Н / Иттифоқ Б
Яшнобод / Чиғатой – Ғиждувон
Локомотив-БФК – Зомин
Барча ўйинлар соат 16:30да старт олиши кўзда тутилган.
Бугун Ўзбекистон кубоги учун саралаш учрашувлари бўлиб ўтади. Шарқий минтақадан саралашда “Чиғатой” ҳамда “Яшнобод” клублари ўзаро ўйин билан иштирок этади. Ғарбий минтақада эса Навоий ҳамда Бухоронинг “Иттифоқ” жамоалари ўзаро куч синашади. Мазкур учрашувлар ғолиблари 1/32 финалда тўп суриш ҳуқуқини қўлга киритади.
Қуръа жараёнида жами 12 та клуб олти жуфтликка ажратилди. Босқич ғолиблари 1/16 финал чиптасини қўлга киритади.
1/16 финалдан бошлаб мусобақага Суперлиганинг 10 ҳамда А Про-лиганинг 8 жамоаси қўшилади. 1/8 финалдан бошлаб эса “Локомотив”, “Пахтакор”, “Навбаҳор” ва АГМК жамоалари турнирдаги иштирокини бошлайди.
Қайд этиш жоиз, 2019 йилдан бошлаб CocaCola ҳомийлигида ўтадиган мазкур турнирда ҳар бир босқич фақатгина 1 та учрашувдан иборат бўлади. Ғолиб асосий ва қўшимча дақиқаларда аниқланмаса, пенальтилар серияси ёрдамга келади. Қуръа маросимлари Спорт-ТВ орқали жонли намойиш этиб борилади.
