“Vulverxempton” Angliya premyer-ligasining 31-turida “Arsenal”ni mag‘lubiyatga uchratdi.
Nunu Eshpiritu Santush qo‘l ostidagi jamoa barcha gollarni birinchi bo‘limda urishga muvaffaq bo‘ldi. Maydon egallari APLda ishtirok etishdan boshlagan kezidan birinchi marta tanaffusga uchta to‘p farq bilan yo‘l olishdi.
“Vulverxempton” ichki chempionatda “Arsenal”ni 1979 yildan beri ilk bor mag‘lubiyatga uchratdi. Jamoalar umumiy hisobda 20 ta o‘yin o‘tkazgan, shundan londonliklarda 16 ta g‘alaba va yana 4 ta o‘yin durang bilan tugagan.
