“Вулверхэмптон” Англия премьер-лигасининг 31-турида “Арсенал”ни мағлубиятга учратди. 

Нуну Эшпириту Сантуш қўл остидаги жамоа барча голларни биринчи бўлимда уришга муваффақ бўлди. Майдон эгаллари АПЛда иштирок этишдан бошлаган кезидан биринчи марта танаффусга учта тўп фарқ билан йўл олишди. 

“Вулверхэмптон” ички чемпионатда “Арсенал”ни 1979 йилдан бери илк бор мағлубиятга учратди. Жамоалар умумий ҳисобда 20 та ўйин ўтказган, шундан лондонликларда 16 та ғалаба ва яна 4 та ўйин дуранг билан тугаган.