Angliya Futbol Assosiasiyasi (FA) «Chelsi» bosh murabbiyi Maurisio Sarrini APL 35-turidan o‘rin olgan «Byornli»ga (2:2) qarshi o‘yindagi qilig‘i uchun 8 ming funt miqdorida jarimaga tortdi.
60 yoshli italiyalik so‘nggi daqiqalarda raqibning vaqt cho‘zayotganidan qattiq norozi bo‘lib, quyushqondan chiqib ketgan va hakamlarga e’tiroz bildirgan edi. Shundan so‘ng, bosh hakam Kevin Frend murabbiyni maydondan chetlatdi.
O‘z navbatida, «Byornli»ning zaxira o‘rindig‘ida o‘tirganlar Sarrini «la’nati italiyalik» deb haqorat qilishgan va bu holat Frendning hisobotida qayd etilgandi. Bu voqea bo‘yicha FA qo‘shimcha surishtiruv o‘tkazmoqda.
