Англия Футбол Ассоциацияси (FA) «Челси» бош мураббийи Маурицио Саррини АПЛ 35-туридан ўрин олган «Бёрнли»га (2:2) қарши ўйиндаги қилиғи учун 8 минг фунт миқдорида жаримага тортди.
60 ёшли италиялик сўнгги дақиқаларда рақибнинг вақт чўзаётганидан қаттиқ норози бўлиб, қуюшқондан чиқиб кетган ва ҳакамларга эътироз билдирган эди. Шундан сўнг, бош ҳакам Кевин Френд мураббийни майдондан четлатди.
Ўз навбатида, «Бёрнли»нинг захира ўриндиғида ўтирганлар Саррини «лаънати италиялик» деб ҳақорат қилишган ва бу ҳолат Френднинг ҳисоботида қайд этилганди. Бу воқеа бўйича FA қўшимча суриштирув ўтказмоқда.