"Atalanta" klubi uchun ushbu mavsum ancha muvaffaqiyatli kechmoqda. Jamoa A seriyada 4-o‘rinda borayotgan bo‘lsa, Italiya kubogida esa final yo‘llanmasini qo‘lga kiritdi.

Kubokning yarim final javob o‘yinini bergamoliklar "Fiorentina"ga qarshi o‘z uylarida o‘tkazishdi. Mehmonlar 3-daqiqadayoq hisobni ochishga muvaffaq bo‘lishdi. Oradan 11 daqiqa o‘tib maydon egalari hisobni tenglashtirishdi. Ikkinchi bo‘limda esa "Atalanta" yana bitta gol urdi va g‘alabani o‘z tomoniga og‘dirdi.

"Fiorentina" maydonida o‘tkazilgan dastlabki o‘yinda 3:3 hisobi qayd etilgan edi. Shu tariqa, "Atalanta" 23 yil deganda Italiya kubogi finaliga chiqdi. Umuman olganda, jamoa o‘z tarixida 4 marta final yo‘llanmasini qo‘lga kiritdi. Klub bir marta — 1962/63 yilgi mavsumda ushbu sovrinni qo‘lga kiritgan. "Atalanta" finalda "Lasio"ga qarshi maydonga chiqadi.

Italiya kubogi, yarim final, javob o‘yini
Atalanta – Fiorentina 2:1 (1:1, 1:0)
Gollar: 0:1 – 3 Muriel, 1:1 – 14, penalti Ilichich, 2:1 – 69 Gomes.
Atalanta – Gollini, Gosens (Pessina, 90), Palomino, Gimshiti, Masyello, Ilichich (Manchini, 85), Froyler (Pashalich, 58), Gomes, de Ron, Kastan, Sapata.
Fiorentina – Lafon, Chekkerini, Milenkovich, Biragi, Pesselya, Jerson (Dabo, 65), Benassi (Simeone, 79), Kyeza, Veretu, Miralyas (Fernandesh, 88), Muriel.
Ogohlantirishlar: Chekkerini (16), Pesselya (72), Gosens (73), Miralyas (80).
Birinchi o‘yin — 3:3.