Osiyo chempionatida ishtirok etgan bokschilarimiz Toshkentda tantanali tarzda kutib olindi. Bu haqda O‘zbekiston boks federasiyasi matbuot xizmati xabar bermoqda.

Tailand poytaxti Bangkok shahrida 19-26 aprel kunlari boks bo‘yicha erkaklar va ayollar o‘rtasida Osiyo chempionati bo‘lib o‘tdi. Musobaqada ishtirok etgan o‘zbekistonlik bokschilar 4 ta oltin, 1 ta kumush va 4 ta bronza medalini qo‘lga kiritishdi.

Bugun tunda qit’a birinchiligida ishtirok etgan charm qo‘lqop ustalari O‘zbekistonga qaytib kelishdi. Ular Islom Karimov nomidagi “Toshkent” xalqaro aeroportida sport jamoatchiligi tomonidan tantanali ravishda kutib olindi.

Tadbirda O‘zbekiston Respublikasi Jismoniy tarbiya va sport vazirining birinchi o‘rinbosari Oybek Kasimov ham ishtirok etdi.

E’tiboringizga kutib olish marosimidan olingan suratlarni havola qilamiz.