Осиё чемпионатида иштирок этган боксчиларимиз Тошкентда тантанали тарзда кутиб олинди. Бу ҳақда Ўзбекистон бокс федерацияси матбуот хизмати хабар бермоқда.
Таиланд пойтахти Бангкок шаҳрида 19-26 апрель кунлари бокс бўйича эркаклар ва аёллар ўртасида Осиё чемпионати бўлиб ўтди. Мусобақада иштирок этган ўзбекистонлик боксчилар 4 та олтин, 1 та кумуш ва 4 та бронза медалини қўлга киритишди.
Бугун тунда қитъа биринчилигида иштирок этган чарм қўлқоп усталари Ўзбекистонга қайтиб келишди. Улар Ислом Каримов номидаги “Тошкент” халқаро аэропортида спорт жамоатчилиги томонидан тантанали равишда кутиб олинди.
Тадбирда Ўзбекистон Республикаси Жисмоний тарбия ва спорт вазирининг биринчи ўринбосари Ойбек Касимов ҳам иштирок этди.
Эътиборингизга кутиб олиш маросимидан олинган суратларни ҳавола қиламиз.
