Ispaniya chempionatining 35-turidan o‘rin olgan "Rayo Valyekano" – "Real" uchrashuvi o‘z yakuniga yetdi. “Kampo de Valyekas” stadionida bo‘lib o‘tgan bahsda maydon egalarining qo‘li baland keldi.
Uchrashuvni mezbonlar faol boshlashdi va taym o‘rtalarida o‘z maqsadlari erishdilar. 23-daqiqada Adrian Embarba penaltini anqi bajarib jamoasini oldinga olib chiqdi.
Mehmonlar goldan so‘ng faollashishmadi va tanaffusga qadar hisob o‘zgarmadi. Qaymoqranglilar ikkinchi bo‘lim so‘nggiga borib raqib darvozasi oldida bosimni yuzaga keltirishdi, biroq bundan samara bo‘lmadi.
Shu tariqa, “Rayo” ushbu g‘alabadan so‘ng ochkolarini 31taga yetkazib olgan holda 19-o‘ringa ko‘tarilib oldi. “Real” esa 65 ochko bilan uchinchi o‘rinda qoldi.
La Liga, 35-tur
Rayo Valyekano – Real Madrid 1:0 (1:0, 0:0)
Gol: 1:0 – 23, penalti Embarba.
Rayo Valyekano – Garsiya, Ba, Galves, Tito, Moreno, Suares (Medran, 77), Agbo, Embarba, Poso (Trexo, 85), Bebe (Garsiya, 78), Gerra.
Real Madrid – Kurtua, Valyexo, Varan, Karvaxal, Marselo, Kroos, Lyorente, Sebalyos (Braim Dias, 61), Modrich (Isko, 74), Beyl, Dias (Vaskes, 82).
Ogohlantirishlar: Valyexo (22), Modrich (28), Suares (43), Dias (62), Karvaxal (79), Marselo (86), Agbo (90).
