Uzoq kutilgan uchrashuvga ham oz vaqt qolmoqda. O‘yin atrofidagi eng so‘nggi intervyularni e’tiboringizga havola etamiz.

Gvardiola

«Liverpul» hozirda Yevropa va butun dunyodagi eng kuchli klub hisoblanadi. To‘g‘ri, Messi hozirga qadar dunyoning eng yaxshi o‘yinchisi bo‘lishi mumkin, biroq shunga qaramasdan «Liverpul»da keyingi bosqichga chiqish uchun imkoniyat ko‘proq deb hisoblayman. Ularni xozirda to‘xtatib qolish juda mushkul bo‘lsada, men "Barselona"ga muxlislik  qilaman.

Zidan

«Liverpul» qarshi hujumga tayangan pressingni sevuvchi klub. Ular to‘pni himoyadan hujumga katta tezlikda olib chiqishadi. Bundan tashqari, ular ohirigacha kurashadigan jamoa. O‘tgan mavsumdagi final oldidan men yigitlarim bilan ularning har birini o‘rganib chiqqan edik. Shunday bo‘lsada, o‘z o‘yinimiz evaziga g‘oliblikni qo‘lga kiritgan edik. Hozirda ingilizlar biroz kuchliroq formada. Ular tezkor va kurashga chanqoq. Aynan shu faktorlar evaziga ular yuqori tempdagi futbolni namoyish etishmoqda.

Joze Mourinyo

«Liverpul»dagi yigitlar huddi men kabi o‘zi kuchiga ishonadigan yigitlar. Bilasizmi, ba’zan chempion bo‘lishingizni oldinda sezasiz. Bu mavsumda «Liverpul» «Bavariya»ni huddi shunday his og‘ushida mag‘lubiyatga uchratdi. Bunday his menga juda tanish. Omad ular tomonida bo‘ladi deb o‘ylayman, chunki hammasi ularning foydasiga hal bo‘lmoqda. Agarda Klopp shogirtlarini o‘yinga ruhan tayyorlay olsa, Messidan zarracha qo‘rqmasdan o‘ynashni uqtira olsagina biz ularni finalda ko‘ramiz. Shaxsan men Ingliz klubini YECHLda g‘alaba qozonadi deb taxmin qilyapman. Sababi, bu «Liverpul» men ko‘rganlarim orasidagi eng qudratlisi!

Bonus

Ronaldu

«Barselona» bu juftlikda fovorit bo‘lsa ham, avval buni isbotlashi zarur. «Liverpul» menga 3 karra chempion bo‘lgan «Real Madrid»ni eslatib yuboryapti. O‘shanda biz ham 3 ta tezkor futbolchi bilan hujumda harakat qilgan edi. Endilikda «Liverpul» bizning uslubdan foydalanmoqda. Ular o‘tgan mavsumda finaldagi mag‘lubiyatdan so‘ng, bu mavsum YECHLni yutish uchun «Barselona»dan ko‘ra haqliroq deb o‘ylayman.

Yeden Azar

«Liverpul» mana ikki mavsumdan beri yuqori formani ushlab kelmoqda. Bundan avvalgi mavsumlardagi xatolardan xulosa chiqargan klub endi chempionlik uchun da’vogar bo‘lib turibdi. Ularda ajoyib murabbiy bor va to‘liq hammasini nazorat qilmoqda. Shunday bo‘lsada, «Barselona» bu juftlikda g‘olib chiqishini taxmin qilyapman. Ularda Messi bor va u g‘alaba qozonishni juda yoqtiriadi. O‘ylashimcha keyingi bosqichga chiqish uchun ikki klubda ham imkoniyat bor. Men hech qaysi klubga muxlislik qilmayman. Shunchaki, futboldan rohat olish maqsadida uni miriqib tomosha qilaman.