"Barselona" bosh murabbiyi Ernesto Valverde YECHL yarimfinalining birinchi o‘yinida "Liverpul" ustidan qozonilgan yirik hisobdagi g‘alabadan so‘ng (3:0) o‘tgan mavsumni esladi.
O‘shanda kataloniyaliklar chorak finalda o‘z uylarida "Roma"ni 4:1 ga yutib mehmonda 0:3 hisobida mag‘lub bo‘lgan edilar.
"Bu kuchli jamoaga qarshi a’lo natija. Tanaffusda kichik o‘zgarishlar qildik, u ikkinchi bo‘limda yaxshi ta’sir qildi.
Hech qachon hisob haqida o‘ylamayman. 1:1 hisobdagi durang ham yaxshi natija bo‘lishi mumkin - hammasi o‘yinning borishiga bog‘liq.
"Liverpul" - mahoratli jamoa. Oldinda 90 daqiqa turibdi, bizni nima kutib turganini bilamiz.
O‘tgan mavsum uchta gol ustunligi bilan chorak finalda chiqib ketgandik. Shuning uchun intriga hali tirik. "Liverpul" bizni qiynaydi", - deydi Valverde.
