"Барселона" бош мураббийи Эрнесто Вальверде ЕЧЛ яримфиналининг биринчи ўйинида "Ливерпуль" устидан қозонилган йирик ҳисобдаги ғалабадан сўнг (3:0) ўтган мавсумни эслади.

Ўшанда каталонияликлар чорак финалда ўз уйларида "Рома"ни 4:1 га ютиб меҳмонда 0:3 ҳисобида мағлуб бўлган эдилар.

"Бу кучли жамоага қарши аъло натижа. Танаффусда кичик ўзгаришлар қилдик, у иккинчи бўлимда яхши таъсир қилди.

Ҳеч қачон ҳисоб ҳақида ўйламайман. 1:1 ҳисобдаги дуранг ҳам яхши натижа бўлиши мумкин - ҳаммаси ўйиннинг боришига боғлиқ.

"Ливерпуль" - маҳоратли жамоа. Олдинда 90 дақиқа турибди, бизни нима кутиб турганини биламиз.

Ўтган мавсум учта гол устунлиги билан чорак финалда чиқиб кетгандик. Шунинг учун интрига ҳали тирик. "Ливерпуль" бизни қийнайди", - дейди Вальверде.