Fransiya kubogi finalidan so‘ng taqdirlash marosimi arafasida «PSJ» hujumchisi Neymar qo‘l ko‘targan muxlis mazkur mojaroli vaziyat to‘g‘risida to‘xtalib o‘tdi.

«O‘z so‘zlarimdan afsusdaman, lekin bu provokasiya emasdi. Futbol shunday sport turiki, unda 40 ming kishi bir yarim soat davomida o‘yinchilarni bemalol haqoratlay oladi.

Neymar bunday reaksiya bildirmasligi kerak edi. U – professional, kameralar unga qaratilgan holda turishi uning uchun yangilik emas. Bu – kasbining bir qismi, to‘g‘rimi?

Men u bilan uchrashib, gaplashib olishga, uzr so‘rab, qo‘lni qo‘lga bergancha kelishib olishga yo‘q demagan bo‘lardim», – degan muxlisning so‘zlarini keltirmoqda RMC Sport.

Uning qo‘shimcha qilishicha, u o‘sha vaziyatda Neymarni haqorat qilmagan.